هيثم محمود يكتب بإختصار في روائع قلم الادبيه
بإختصار
في الغروب بنت قاعده ..
وفي عنيها حلم ضاع
مركبه في الحزن شارده ..
والوجع مليون شراع
والحكايه من دقائق ..
بعد لحظة الوداع
بس رافضة الانكسار ....!
الثواني تهد فيها
والظلام داخل عليها
وجوا منها ميت سؤال
والجواب رد بندم
شئ حصل ولافي الخيال
والنتيجه أكبر ألم
جايه من سوء إختيار.....
هي حبت وبضمير
حد شاطر في الخداع
والنتجيه أسوأ مصير
هي شاريه وهو باع
مين يصدق إن وردة
تندبح بايدين جبان
والملام هيكون عليها
ويتنسي ذنب اللي خان
آه عليها م النهاردة
والكلام سكينة باردة
حتي لو كان بالهزار...
بالامل داوت جروحها
بعدها قالت لروحها
إنتي بعده مش وحيده
إنتي وردة لكن عنيده
صعب تقبل بالهزيمه
صعب تحس الانهيار ....
فكرت بهدوء شويه
الفراق مش قضيه
بالسلامه ياللي بايع
الخسارة مش عليه
صعب أعيش دور الضحيه
احنا بس الطيبين
ع الفراق تبكي السنين
ع ال حاصل وال صار
وده يادوب تغيير مساار....!
تعليقات
إرسال تعليق