هناء الغمرى تكتب ( انا الطيب ) في مجلة روائع قلم الأدبية
أنا الطيب وباقى عالعهد
ومهما لاقيت إجابة أو صد
مش هتحول واخون الوعد
وافضل دايماً صاين الود
وتمالى للخيانة أنا ضد
حتى لو كان فيه جذب وشد
أعالج الأمر ببسمة وورد
أنا الصادق ومش كداب
وعمرى ما عملت لندل حساب
ومش هفتح لخاين باب
وعاوز الكل يكونوا أحباب
مفيش بينا ياناس أغراب
يا دنيا بلاش تعاندينا
تبيعى وتشترى فينا
تعبنا واحنا في أراضينا
ومش لاقيين اللى يفدينا
ومن بحور الهم يعدينا
إشتاقنا يادنيا للفرحه
عروسه ولابسه الطرحه
وعيال فى مدارس فالحه
وشباب على شغلها رايحه
مش قاعدين على كافيه من إمبارحه
لعيشه حلوه مش مالحه
لثمرة جهدنا طارحه
يارب حقق أمانينا
مافيش غيرك ينجينا
انت كل مالينا
ترفعنا بمصر تعلينا
تنصرنا على أعادينا
إحنا وكل اهالينا .
بقلم : هناء الغمرى
تعليقات
إرسال تعليق