محمود غازى درويش يكتب يا محللين في مجلة روائع قلم
ياللي بتقروا في الفنجان
ومش شايفين
ياللي ضربتوا الودع
ومش سامعين
ياللي فتحتوا الكارت
وبردوا مش فاهمين
ياللي تحبوا اللف والدوران
هى الحكاية حكاية مين دلونى
ليه تعملوا اذكيا
والشكل كله غباء
وأنا اللي ربي خلقني
فطن كدا بذكاء
لما عرفت إنى
للي عملتهم صُحبة
فى حكايتى بيشكوا
فن وعواطف هاء
يامحللين
النفس مش لعبة
ياعباقرة التشريح
النفس كام سرداب
دانا اللى واقف بضحك
وكلي عجب
على اللي غطس جوايا
وما قب
مصحة لكل البشر
والعقل منه ذهب
عجبي على اللي عمل نفسه
لأمر الناس فاهم
وامر فهمه لنفسه
الصفر وياالجيم
ونقول كمان
كرت ودع فنجان
بخور وحبهان
حافر وعين عفريت وزعفران
احضر يا ملك الجان
هى حكاية مين
قالوا الحكاية حكايتك
واحنا اللي فيها شٰاْكّين
قلت حكايتي زمان
لما حكيتهالكم
عمري ما عملت حساب
إنى أكون فى نظركم
صادق ولا كذاب
بقلم : محمود غازى درويش
تعليقات
إرسال تعليق