سارة سعد تكتب / متزعليش / في مجلة روائع قلم باب / اشعار وخواطر

متزعليش على حد باعك وقرر يسيبك بدون إنذار!!
إفرحى أنك دوقتى الحب وصدقتي احساسك ف قدرتيه...
متزعليش أنك حاولتى تحافظى عليه وفشلتى!
إفرحى أنك بتعرفى تدى ف زمن كل حاجه فيه بحساب..
متزعليش أنك كنت مكسوره وإنتى بتترجيه!!
إفرحى أنك أنسانه شفافه رفضتى تشوفى نفسك كبيره عليه..
متزعليش انه زهق من مسئوليتك وخيب كل ظنونك!!!
إفرحى أنك أعتبرتيه من اهلك وجريتى عليه..
متزعليش أنك أستسلمتى لعيوبه ف عد عليكى عيوبك!!
افرحى انك بتعرفى تشوفى الحلو وتكتفى بيه..
متزعليش أنك رضيتى بظروفه فنسى عهده ليكى!!
أفرحى أنك اصيله فضلتى قلبه رغم الظروف اللى حواليه..
متزعليش أنه داس على ذكرياتك عشان يلتفت لحياته!!
إفرحى أنك رغم ضعفه حاولتى تمسكى فيه..
مش حبيتى؟؟مش صدقتى؟؟ مش أديتى؟؟وهو نسيكى وراح وحلف مايرجع ليكى؟؟؟
يبقى اعذريه!!!لأنك دوقتيه الحلو كله لحد ماقوتيه..
وسيبيه للزمن هيدور عليه
متزعليش ومتندميش..اللى زيك يتندم على فراقها انتى فرصه بتيجى مره واحده ومتتعوضش...
كلمات : سارة سعد